အမုန်း မပါ

ချစ်ခဲ့တယ်လေ …

ချစ်ခြင်းတွေမှာ …

နှလုံးသားထိ …

အရှုံးများရှိ …

အပြုံးများ မချိ … လည်း …

မပါ အမုန်း …

ထာဝရ အရှုံးပေး … ချစ်နေမယ် …

Snow.Kha

အရှုံး

အရှုံး ကို လက်မခံချင်သူရဲ့ လက်ထဲကို ဘယ်တော့မှ အရှုံးက ရောက်မလာဘူး ။
မင်းမရှုံး ချင်ဘူးဆိုရင် နိုင်အောင် တိုက်ရမယ် ။
ဘယ်လိုတိုက်ရမလဲ.....။

ဘာမှ ခက်ခဲတာမရှိဘူး ။
ဘဝမှာ ကိုယ်ဘာလိုချင်လဲ သတိရလိုက်...လိုချင်တာကို ရအောင်ယူ ။
(ဂျူး-နံရံ၏အခြားတစ်ဖက်)

အရိပ်ဆိုတာ

ကျွန်မ ဘာလုပ်ရတော့မှာလဲ။
ဘဝကို ပါးပါးလှီးပြီး မြည်းစမ်းကြည့်ချင်တဲ့ သူငယ်ချင်းတစ်ယောက်က “ခါးလိုက်တာ” လို့ ပြောနေမှတော့။

ကျွန်မ ဘာလုပ်ရတော့မှာလဲ။
အရိပ်ပေးနိုင်ပုံရတဲ့အရာ နှစ်ခုသုံးခုကို စမ်းသပ်နားခိုကြည့်ခဲ့မိပြီးတဲ့နောက် ပူပြင်းနေတဲ့အခါ
တွေ့ကြုံသမျှကို သံသယနဲ့ ကျွန်မ ကြည့်တတ်လာခဲ့ပြီ။
နောက်ဆုံးတော့ အရိပ်ဆိုတာ ကိုယ်ကိုယ်တိုင်ပါပဲ။

(ဂျူး-မနက်ခင်းတွေမှာ ကိုယ့်ကိုယ်ကို မုန်းတဲ့သူ)

တွယ်တာမှု

ကျွန်မ ထင်ခဲ့တယ် ။

သေသေချာချာ ဆုံးရှုံးရတော့မယ့် အရာတစ်ခုအပေါ် ထားတဲ့ လူတစ်ယောက်ရဲ့ မက်မောမှုမှာ ဥပေက္ခာနဲ့ ရောင့်ရဲခြင်းတွေ တွဲပြီး ပါလာမှာပဲ ။
ဒီတော့ အဲဒီလူဟာ ဆုံးရှုံးရတော့မယ့် အရာဝတ္ထု အပေါ် မှာ နတ္တိဝါဒ အမြင်နဲ့ မြင်နိုင်မှာပဲလို့ ။
တကယ်တော့ ကျွန်မ တွက်နည်းက သွက်သွက်ခါအောင် မှားယွင်းခဲ့တာ ပါလား မောင်ရေ ။
မောင့်ကို လက်လွှတ် ဆုံးရှုံးရမှာကိုသိလေ မောင့်အပေါ်မှာ ဘယ်တော့မှ ရောင့်ရဲမှု မရှိတဲ့ တွယ်တာမှုမျိုးနဲ့ ယစ်မူးလေပါပဲ ။
ဆုံးရှုံးမှုကို အလွယ်တကူ ရင်မဆိုင်ရဲတဲ့ သာမန် လူတစ်ယောက်ရဲ့ ခံစားချက် ထက် ပိုပါတယ်ကွယ် ။

(ဂျူး-မြစ်တို့၏မာယာ)

ဘာကြောင့်များ.................

ငါ ချစ်ရတဲ့ ငါ့ရဲ့ချစ်သူပဲ ဆိုတဲ့ စိတ်နဲ့နင် ဆိုးသမျှတွေ အနွံ့တာခံခဲ့တယ်...
ငါ ချစ်ရတဲ့ ငါ့ရဲ့ချစ်သူပဲ ဆိုတဲ့ စိတ်နဲ့နင် အနိုင်ယူသမျှတွေ ခွင့်လွှတ်ပေးခဲ့တယ်...

ငါ ချစ်ရတဲ့ ငါ့ရဲ့ချစ်သူပဲ ဆိုတဲ့ စိတ်နဲ့ငါ့ကိုယ်ငါတောင် မေ့ထားပြီး
အမြဲ နင့်အတွက် ဦးစားပေးစဉ်းစားခဲ့တယ်...ငါ ချစ်ရတဲ့ ငါ့ရဲ့ ချစ်သူပဲ ဆိုတဲ့ စိတ်နဲ့
နင် နာကျင်စေသမျှတွေအပြစ်မမြင်မိပဲ အကြိမ်ကြိမ် သင်ပုန်းချေခဲ့တယ်...
ငါ ချစ်ရတဲ့ ငါ့ရဲ့ချစ်သူပဲ ဆိုတဲ့ စိတ်နဲ့ဝမ်းနည်းမှုတွေရခဲ့ရင်တောင်
နင့်ကြောင့်ရတဲ့ ပျော်ရွှင်မှုတွေနဲ့အစားထိုး မေ့ပစ်နိုင်စေခဲ့တယ်...
ငါ ကရော...နင် ချစ်ရတဲ့ နင့်ရဲ့ ချစ်သူပါ...
(တခုခုဆို)ဘာကြောင့်များ. . .ငါ့ဘက်ကနေ အမြဲမတွေးပေးခဲ့တာလဲ ???
~A Lynn Phyo~

နေရက်သူကြီး

မျှော်ရတစ်ရက်
လွမ်းရက်တစ်ရာ
သူလာမယ့်လမ်း
နေ့တိုင်းမှန်းလည်း
မသိကျိုးကျွန်
ဥပက္ခာပြု
မျော်သူလွမ်းလို့
ကိုယ်ရင်မောအောင်
နင်လေစိမ်းရက်
သိမှတ်မပြု
ပုန်းလို့ရှောင်ဖယ်
နင်လေနေရက်တယ်

Tin Aye Hlaing

လိုရာပြီးမြောက် ခရီးပေါက်သော လက်တွေ့ ရေမေတ္တာပွားနည်း

လက်တွေ့ နည်းကောင်းတစ်ခု ပေးရဦးမယ်၊ အကယ်၍သာ စိတ်အာရုံညွှတ်ပြီး မေတ္တာပို့လွှတ်ပေးနေသော်လဲ တစ်စုံတစ်ဦး၏ ရန်မူနေခြင်းကိစ္စ၊ မုန်းတီးနေခြင်းကိစ္စ အမြန် ပြေအေးသွားမယ်လို့ မထင်ရလျှင် ရေမေတ္တာ ပို့ကြည့်ပါ၊ အောင်မြင်စေရမယ်၊ ရေမေတ္တာဖြင့် အနိုင်ယူပါ။
✔ နည်းမှာ- သန့်ရှင်းသော ရေဖန်ခွက် တစ်ခု ဘုရားစင်ပေါ်မှာ တင်ထားပါ၊ သန့်ရှင်းသော ကျောက်ခဲကလေး တစ်လုံးကို ဖြစ်စေ၊ သစ်သားချောင်းလေးတစ်ခုကို ဖြစ်စေ မိမိမေတ္တာ ပို့လိုသူ ကို ရည်မှတ်ပြီး ရေဖန်ခွက်ထဲ့ ထည့်ပြီး စိမ်ထားပါ။ အမှိုက်အမှုန်မကျအောင် အဖုံး ဖုံးထားပါ။
`သူ၏ စိတ်နှလုံး ရေကဲ့သို့ အေးချမ်းသွားပါစေ´လို့ လှိုက်လှဲစွာ မေတ္တာပို့လွှတ်ပေးနေပါ။ `သူ၏စိတ် ပူဆာနေခြင်းကို အေးချမ်းသွားစေဖို့ သူ့ကို ငါ ရေစိမ်ထားလိုက်ပြီ´လို့ မိမိစိတ်ကိုလဲ ရှင်းရှင်းထားနေပါ၊ ပူပန်သောကဝင်ပြီး လှုပ်ရှားနေခြင်း မရှိအောင်နေပါ။
`သူ့ကိုငါဒုက္ခမရောက်စေလိုပါ၊ငါလဲစိတ်ချမ်းသာ၊သူလဲစိတ်ချမ်းသာ၊ နေမြဲတိုင်း နေစေရန်၊  ဖြစ်မြဲတိုင်း ဖြစ်စေ
ရန် သူ့ကို ရေခွက်ထဲချစိမ်ထားလိုက်ပြီ´လို့ ယုံကြည်စိတ်ချစွာနေပါ။
`သူ့စိတ်အေးသွားပြီ၊ သူ့စိတ်ကြည်လင်သွားပြီ၊ သူ့မှာ ငါ့ကို ရန်မူချင်စိတ်ပျောက်လွင့်သွားပြီ´လို့လဲ မိမိစိတ်ထဲက သိနေပါ၊ (တကယ် ချမ်းသာစေလိုသော စိတ်ရင်းစေတနာသာ ထားပေးနေပါ)၊ ထိုသူ့ရဲ့ စိတ်ဟာ ထိုအချိန်ပိုင်းအတွင်းမှာပဲ မူပြောင်းလာပုံ တွေ့ရလိမ့်မယ်။
သူ့ရဲ့ စိတ်အာရုံထဲတွင် မိမိက ပို့လွှတ်ပေးနေသော စိတ်တန်ခိုးကြောင့် ပူဆာ၍ ဆူပွက်၍ နေခဲ့သော သူ့ရဲ့ ဒေါသစိတ်မာန်ဟာ တဖြည်းဖြည်း ပြေအေးသွားလိမ့်မယ်။ တစ်ဆက်တည်းမှာပဲ မိမိအပေါ် သနားစိတ် ဝင်လာပါလိမ့်မယ်။ ဆက်လက်၍ ချစ်ခင်စိတ်၊ ကြည်နှုးစိတ် ပြောင်းဝင်လာပါလိမ့်မယ်။
ချစ်ခင်စိတ် ဝင်ရောက်လာခဲ့လျှင် သူကလဲ မိမိကို မြတ်နိုးဖွယ်ရာကောင်းသော လူတစ်ယောက် အဖြစ် မြင်လာပါလိမ့်မယ်၊ ကြည်နှုးဝမ်းသာသော စိတ်လဲ ဝင်စားနေလိမ့်မယ်၊ အဲသည်နောက် သူကိုယ်တိုင် ပြောမှား၊ ဆိုမှား ရှိသမျှကို ဝန်ချကာ တောင်းပန်လာ တတ်တယ်၊ သို့မဟုတ် သူကိုယ်တိုင် လာရောက်ပြီး တောင်းပန်ဝန်ချခြင်း မပြုသော်လည်း မိမိအပေါ် ဆက်လက် ရန်မူနေခြင်း ပြုတော့မည် မဟုတ်ပါ၊ မီးကို ရေဖြင့် လုံလောက်အောင် ပက်ဖျန်းထားလိုက်သကဲ့သို့ ကိစ္စပြီး တစ်ခါတည်း အေးငြိမ်း သွားစေလိမ့်မယ်။
တစ်နည်းအားဖြင့် ရန်မူနေတဲ့သူဟာ မိမိကိုမကြည့်ဝံ့ဘဲ တခြားဒေသသို့ အမြန်ဆုံး ရှောင် ထွက်ပြေး သွားပုံ တွေ့မြင်ရပါလိမ့်မယ်။
ဒါတွေက လူလောကမှာ တွေ့ကြုံလေ့ရှိတတ်လို့ ပြည့်စုံအောင် ညွှန်ကြားပေးရခြင်း ဖြစ်တယ်။

တောင်တန်းသာသနာပြု ဆရာတော်ဘုရားကြီး
ဦးဥတ္တမသာရ