တစ်ခါတစ်ရံမှာ တွန်းအား
မျှော်လင့်ချက် ယုံကြည်ချက် ရဲရင့်မှု
ငါ့မာနတွေနဲ့ချခင်းထားတဲ့ လမ်းတစ်စင်း
ခင်းထားတာ မင်းနင်းဖို့ပေါ့
တစ်ခါတစ်ရံမှာ ပြောချင်တဲ့စကားတွေမြိုသိပ်
ပြည့်အင့်နေတဲ့ ရင်ဘက်တစ်စုံ
ကြုံဆုံလာတဲ့ လောကဓံနဲ့
ယှဉ်ပြိုင်နေတဲ့ ပြိုင်မျဉ်းတစ်ကြောင်း
တစ်ခါတစ်ရံမှာ ဖြစ်ချင်တာ ပြောချင်တာကိုမေ့
နားလည်ပေးလိုက်ရတဲ့ သဘောထားကြီးမှု
တစ်ခါတစ်ရံမှာ ရင်ဘက်ခန်းမမှာ
ကျင်းပတဲ့ နှလုံးသားအမိန့်ကိုနာခံမိတဲ့
အချစ်စစ်တို့ ဈာပနပွဲ
တစ်ခါတရံမှာ ပုရိသတ်မရှိ ဒိုင်မရှိနဲ့
နှလုံးသားနဲ့ဦးနှောက်တို့ လွန်ဆွဲတဲ့
အလဲအကွဲ ကြည့်လို့မကောင်းတဲ့ပွဲ
တစ်ခါတစ်ရံမှာ အလွမ်းတွေတနင့်တပိုးနဲ့
မထားချင်တဲ့ သံသယတွေကြားဗျာများနေတဲ့
ကစဥ့်ကလျား အတွေးဂယက်
တစ်ခါတစ်ရံမှာ ဂုံးဆင်းမှာတည်ထားတဲ့
ဝင်္ကပါထဲ တွန်းပို့တဲ့ ဘီးတွေပါပဲ...................။
မင်းဝေ(ရင်တွင်းခံစားချက်)
No comments:
Post a Comment