အသိမဲ့စွာ လိုက်ပါခဲ့ရင်း အိမ်ထောင်ကျခဲ့ရသည် ။။အမြင် ၊ အကြား ၊ အထိအတွေ့ ၊ အရသာတွေကို အယူမှားကာ မြတ်နိုးခုန်မင်ခဲ့မိပါသည် ။ ကာမဂုဏ်မှာ ပျော်ပိုက်နေသူ လူသားတစ်ဦး ဖြစ်မှန်းမသိ ဖြစ်လာခဲ့မိသည် ။ ကာမဂုဏ်ဆိုတာ ယောင်္ကျားနဲ့မိန်းမနှစ်ဦးသား ကြည့်နူးပေါင်းဖက်ခြင်းလို့ ဆိုလိုသည် ။ အဲဒါထက်ကျော်လွန်ကာ မိစ္ဆာစာရဆိုတဲ့ အရာကို ပါကျူးလွန် မိခဲ့သူ ကျွန်တော် ။ မိစ္ဆာစာရဆိုတာကတော့ အဲဒီလိုပေါင်းဖက် အ တူနေတာကို မိမိလင်ယောင်္ကျား မိမိဇနီးမယားမဟုတ်တဲ့ သူများအပေါ်မှာ မှားယွင်းစွာ လွန်ကျူးတာ ကိုပြောတာပါ ။
ကျွန်တော် ရောက်နေတာက ရေမြေခြား ။ လွပ်လပ်ခြင်းဆိုတဲ့ အရသာကိုဖောဖော်သီသီ အသုံးချလို့ အကောင်းဆုံးနေရာတစ်ခုပေါ့ ။ မိဝေး ဖဝေး မှာ ကိုယ်နဲ့ နေ့စဉ် ပတ်သတ်နေသူ အများစုက တိုင်းတပါးသား ။ လူမျိုးတူ အများစုက တနယ်ဆီက ရောက်လာ ကြသူတွေ ။ မြန်မာပြည်သို့ပြန်ရောက် ပါလျှင် တွေ့ဖို့ ဆုံဖို့ဆိုတာ မလွယ်ကူ။ ဒီတော့ခေါင်းထဲရောက်လာတာက ငါဘာလုပ်လုပ် ဘယ်သူမှ မသိပါဘူးကွာဆိုတဲ့ သေးသိမ်တဲ့ အတွေးခေါ်တွေ ။ လူတွေလွတ်လပ်ပြီဆိုရင် အကျိုးနဲ့ အပြစ် အပြစ်ကိုသာ ပိုလုပ်မိကြတဲ့ လူတွေထဲ ကျွန်တော်လည်း တစ်ယောက်အပါဝင်ပေါ့ ။ မိတ်ဆွေစစ်နဲ့ မိတ်ဆွေတုဆိုတာကို ဝေဖန်ပိုင်းခြားတတ်တဲ့ အသိညဏ်တွေနဲ့ ကင်းကွာနေခဲ့သူတစ်ဦးဆိုလည်း မမှားပါဘူး ။ရေမြေခြားမှာ နေလာတာ နှစ်လေးလည်း အတန်ကြာခဲ့ပါပြီ။ အလုပ်လေးတွေလည်း စုံခဲ့လေပြီ ။ ခုလက်ရှိနောက်ဆုံးလုပ်နေတဲ့နေရာမှာ မြန်မာပြည်သားတွေ အများသား ။ ဒီထဲကကဲလို့ တွဲလို့ကောင်း တဲ့ သူချင်းပေါင်းမိခဲ့ကြသည် ။*အပျော်ပါးလိုက်စားမလား တူတူ ။ သောက်ကြစားကြမလား လက်ရေတစ်ပြင်တည်း ။ စိတ်တူကိုယ်သူဆိုတာမျိုးပေါ့ ။ တစ်နေ့မှာတော့ တူတူနေတဲ့ ကိုထူးက စကားစလာပါတယ် ။**ဟေ့ကောင် မောင်မောင် ။ မင်းပျော်ပါးဖို့ ဆော်ခေါ်ရတာ ပိုက်ဆံကုန်တယ် ကွ ။ ငါသတင်းတစ်ခုရထားတယ် ။ ဆော်ကြီးတစ်ဗွေ လူကလန်းတယ် ။ ရေကလည်း လန်းတယ် ။မင်းချဉ်းကပ် လို့လည်း လွယ်တဲ့ အနေထားမှာ ရှိတယ် ။ **ဟုတ်လား ။ သူက ဘယ်မှာနေတာလဲ ။ အပျိုလား *
*ဘယ်ကလာ အပျိုရမှာလဲကွာ ။ မြန်မာပြည်မှာ အိမ်ထောင်ကျတယ် ။ ကလေးတောင် ရှိတယ်ထင်တယ် ။ နောက် ဒီရောက်လာတော့ လူတစ်ယောက်နဲ့ အိမ်ထောင်ကျတယ်။ သူ့အမျိုးသား က တော်တော် ချစ်တယ် လို့ ပြောကြတယ် ။ သူဖောက်ပြန်နေတာတွေကို သိလည်း ခွင့်လွတ်ပြန်ပေါင်းတယ်တဲ့လေ ။ နေတာက ငါတို့ဆီကနေကားနှစ်မှတ်တိုင်လောက် ဘဲဝေးတယ် ။ မင်း စိတ်ဝင်စားရင် ငါ မိတ်ဆက်ပေးမယ် *ဒီလိုကနေစလိုက်တာ သူမ ကျွန်တော် သိခွင့်ရခဲ့သည် ။ ခင်မင်ရာကနေ တစ်ဆင့်တက်လို့ရင်းနှီးကျွမ်းဝင်ခဲ့ကြပါသည် ။ သူမ အမျိုးသား အလုပ်သွားချိန်တွေ ကျွန်တော် အလုပ်နားချိန်တွေနဲ့ တိုက်ဆိုင်တိုင်း သူမနှင့် ကျွန်တော် တွေ့ဖြစ်နေကြသည်။ ကုန်လိုက်တဲ့ ပိုက်ဆံက ဆော်ခေါ်တာထက် အဆပေါင်းများစွာ ။ တစ်နေ့တော့ ကျွန်တော်တို့ခိုးစားနေမိတဲ့ ဇာတ်လိမ်းကို သူမခင်ပွန်းသိသွားပါတော့သည် ။ကျွန်တော်ဆိုတဲ့ ကောင်လည်း ပြင်ဆင်ချိန်တောင် မရလိုက်ဘဲ သူမကို လက်ခံလိုက်ရပါတော့သည် ။ ဒီအချိန်မှာ အိမ်ထောင်သည်မကျ ချစ်သူမကဆိုတဲ့ဘာမှန်းမသိတဲ့ ဘ၀ တစ်ခုကို နာမည်ဆိုးတွေနဲ့ ရရှိလိုက်ပါတော့သည် ။ သူများလက်ထဲကနေ ခိုးယူထားမိတဲ့ အရာကို ပိုင်ဆိုင်ထားတဲ့ ကျွန်တော် ဘယ်မှာလာ စိတ်ဖြောင့်ဖြောင့် နေနိုင် ပါမည်နည်း ။အမြဲတစေ ပူပန်သောကတွေနဲ့ နပန်းလုံးနေခဲ့ရသည် ။ ငါအလုပ်သွားရင် သူမ ဘာတွေ လုပ်နေမလဲ ။ ဘယ်တွေ သွားနေမလဲ ။ အိမ်မှာကော ရှိနေပါ့မလားဆိုတဲ့ အတွေးတွေနဲ့ အလုပ်ထဲမှာ ပစ္စည်းတွေကမှား ။ ဒီတော့ စူပါဗိုက်ဆာတွေရဲ့ ငြိုငြင်မှုတွေကို ခံလာရပါတော့သည် ။ အလုပ်တွေ ဘယ်လောက် အိုတီရနေနေ ရသမျှ အဖက်မတင် ။ ဘယ်အပေါက်ကနေ ဆီလိုပေါက်ရှာ ထွက်နေမှန်းမသိ ။ တဖြေးဖြေးနဲ့ လုံးပါးပါးလာခဲ့ရပါတော့သည် ။
ငါ ကာမေသုမိစ္ဆာစာရသိက္ခာပုဒ်ကို မစောင့်ထိမ်း လို့ဖြစ်ရတဲ့ လူမှုဒုက္ခတွေပါလားလို့ တစ်ခါ တစ်ခါ တွေးမိပါသည် ။ တစ်နေ့ အင်တာနက် ကြည့်နေရင်း မထင်မှတ်တဲ့ ဆောင်းပါးလေး တစ်ခုကို ဖတ်လိုက်မိသည် ။ ဆောင်းပါးလေး က ကာမေသု မိစ္ဆာရာ ကံ လွန်ကျူးရင် ဘာဖြစ်နိုင်လဲ ? ဆိုတဲ့ ခေါင်းစဉ်လေးနဲ့ ရေးသားထားပါသည် ။
*ကာမေသုမိစ္ဆာစာရာဝေရမဏိ သိက္ခာပဒံ သမာဒိယာမိသိက္ခာပုဒ်ဟာ ကိုယ်ပိုင်လင်အမျိုးသား ကိုယ်ပိုင်ဇနီးမယားကနေ တစ်ခြားတစ်ယောက်ကို ( သို့မဟုတ် ) သူ့တပါး သားမယားကို လွန်ကျူး ပြစ်မှားလို့ အပြစ်သင့်တဲ့ အပြစ်ဖြစ်တဲ့ သိက္ခာပုဒ်ပါ၊ ရှင်းအောင်ပြောရရင်တော့ ကာမဂုဏ်ဆိုတာ ယောင်္ကျားနဲ့မိန်းမနှစ်ဦးသား ကြည့်နူးပေါင်းဖက်ကြတာကိုခေါ်တာပါ၊ မိစ္ဆာစာရဆိုတာကတော့ အဲဒီလိုပေါင်းဖက် အ တူနေတာကို မိမိလင်ယောင်္ကျား မိမိဇနီးမယားမဟုတ်တဲ့ သူများအပေါ်မှာ မှားယွင်းစွာ လွန်ကျူးတာကိုပြောတာပါ၊
အဲဒီသိက္ခာပုဒ်ကိုဖောက်ဖျက်ရင် စောစောကပြောခဲ့သလိုပါ ပဲ လူမှုဒုက္ခတွေ အများတံတွေး ခွက်ပက်လက်မျောရတာတွေ အစရှိတဲ့ဆိုးကြိုးတွေကို ခံ စားရမှာပါ၊ ခုခေတ်မြန်မာလူဘောင်လောကမှာ ကိုယ်အချင်းချင်းသဘောတူရင် မပြစ်မ ဖြစ်ပါဘူးဆိုတဲ့ အနောက်တိုင်းအယူအဆတွေ ၀င်ရောက်လာပါတယ်၊ အမှန်က အဲဒီလို မဟုတ်ပါဘူး ကိုယ်အချင်းချင်းဘယ်လိုပဲသဘောတူနေပါစေ ကိုယ့်ကိုယ်ထိန်းသိမ်း စောင့်ရှောက်တဲ့ သူတွေရှိပါတယ်၊ အောက်ထစ်ဆုံး အများတကာနဲ့ ဆက်ဆံသွားလာ တဲ့ မကောင်းတဲ့ပြည်တန်ဆာမတောင် အရင်လူကပိုက်ဆံပေးငှါးရမ်းထားရင် နောက်လူ ကပိုင်စိုးပိုင်နင်းနဲ့ သွားရောက်လွန်ကျူးမယ်ဆိုရင် ကာမေသုမိစ္ဆာစရာကံထိုက်ပါတယ်၊ *
လို့ ရေးသားထားပါသည် ။ ဒီဆောင်းပါးလေးကို ဖတ်ပြီးတဲ့ အချိန်မှာတော့ အဲကွန်းခန်းထဲ ထိုင်နေတဲ့ ကျွန်တော် တစ်ကိုယ်လုံး အလိုအလျောက် ဇော်ချွေး များ ပျံလာမိသည်။
ကာမေသုမိစ္ဆာစာရ ကံကျူးတဲ့သူတွေဟာ-
(၁) လူမုန်းများခြင်း၊
(၂) လူမုန်းများရုံတင်မကပဲ ရန်သူတွေလည်း ၀ိုင်းဝိုင်းလည်နေခြင်း၊
(၃) စီးပွါးရေး ဘယ်လောက်ရှာရှာ တိုးတက်မလာပဲနေခြင်း၊
(၄) စိတ်ချမ်းသာ ကိုယ်ချမ်းသာ မရှိပဲဖြစ်နေခြင်း၊
(၅) ဘ၀တိုင်းဘ၀တိုင်း မိန်းမသာဖြစ်ရခြင်း၊
(၆) မိန်းမမဟုတ်ယောင်္ကျားမဟုတ် ဂျယ်ကြီးဖြစ်ရခြင်း၊
(၇) တကယ်လို့ ယောကျာ်းဖြစ်ရင်လည်း ယုတ်ညံ့တဲ့ အမျိုးတွေထဲမှာ ဖြစ်ရခြင်း၊
(၈) မျက်နှာပျက်ပြီး အရှက်တကွဲအကျိုးနဲတဲ့ ကိစ္စတွေကြုံတွေ့ရခြင်း၊
(၉) ခြေလက်အင်္ဂါ နွဲ့နွဲ့နှောင်းနှောင်းနဲ့ ဖြစ်ရခြင်း၊
(၁၀) စိုးရိမ်ကြောင့်ကြ စိတ်များနေရခြင်း၊
(၁၁) ကိုယ်ချစ်တဲ့သူနဲ့ ကွဲကွာကာ အသည်းနာရခြင်း၊ ဆိုတဲ့ အပြစ်တွေကိုပါ ရစေတယ်ဆိုတဲ့အချက်တွေကတော့ သွေးထွက်အောင် မှန်နေခဲ့ပါသည် ။ ကျွန်တော် ဘာလုပ်ရမလဲ ဆိုတဲ့မေးခွန်းတွေနဲ့
ချာချာလည်နေလည်ပါတော့သည် ။
*မောင် ထမင်းစားရအောင်ဆိုတဲ့ *
သူမရဲ့ ခေါ်သံကြားမှ စိတ်နဲ့လူကြား ကင်းကွာနေတဲ့
အသိတွေ ပြန်လည်စုမိကြပါတော့သည် ။ အရင်က ချိုသာလှပါသည်ဟု ထင်ခဲ့မိသော သူမ အသံသည် ကြောက်မက်ဖွယ် ထောင်ခြောက်တစ်ခုအဖြစ်သို့ ပြောင်းလဲ ထင်မှတ်စေခဲ့လေပြီ ။ ခုချိန်ထိ မိဘတွေကိုအသိမပေးရဲသေးတဲ့ သူမနဲ့တူတူနေထိုင်နေရတဲ့ ဘ၀ ။
အပေါင်းသင်းမိတ်ဆွေတွေ နဲ့ ဆုံတဲ့အခါ ကျွန်တော် မိန်းမပါလို့ မိတ်ဆက်ပေးရမှာကို အင်မတန်ဝန်လေး ခဲ့မိတာတွေဟာ ကျွန်တော်ကိုယ် ကျွန်တော် သိမ်ငယ်နေခြင်းတွေဆိုတာ သိခဲ့ရပေမယ့် အမှားပြင်ဆင်ခွင့်က ဘယ်မှာလဲ ။ ဘယ်လို ခဲဖျက်နဲ့ ဖျက်မှ ပျက်မယ့် အမှားမျိုးပါလည်း ဆိုတာ တွေးရလွန်း လို့ ခေါင်းတွေအမြဲပူပန်နေရသူ ကျွန်တော်ဘ၀ ။ ကိုယ်ရွေးချယ်ခဲ့တဲ့ လမ်း ကိုယ်လျှောက်နေရပေမယ့် ဘာလို့မပျော်ရသလဲ ။ အဖြေက ရှင်းပါတယ် ။အမှားဆိုတဲ့ လမ်းတစ်ခု ကို ရွေးချယ်လျှောက် လှမ်းမိခဲ့တာကို ။
တစ်ရက်မှာတော့ ကျွန်တော် အလုပ်ကနေ သူမဆီ ဖုန်းမဆက်ဘဲ ပြန်လာခဲ့ပါသည် ။ အပြန်လမ်းမှာ မိုးတွေ သည်းသည်းမည်းမည်း ရွာနေခဲ့သည် ။ မိုးရေတွေ ဆက်လက်နဲ့ အိမ်တံခါးကိုဖွင့်လိုက်ပါ သည် ။ ကြိုဆိုမယ့်သူမရှိ ။ တိတ်ဆိတ်ခြင်းတွေ စိုးမိုးနေတဲ့ အ်ိမ်ထဲမှာ သေချာပါသည် သူမ ရှိမနေဘူးဆိုတာပေါ့ ။ အ၀တ်စားတွေလဲ ပြီး ဆေးတစ်လုံးကြိုသောက်ထားလိုက်ပါသည် ။ ခုရက်တွေ ကျွန်တော်နှ လုံးတွေ အောင့်အောင့်နေတတ်သည် ။ ဆေးသောက်ပြီး အိပ်ယာထက်မှာ လဲလျောင်း ရင်း မျက်လုံးတွေက ဖုန်းလေးကို အဓိပ်ပယ်မဲ့စွာ ငေးကြည့်နေမိဧ။် ။ သူမကို ခုချိန် ဖုန်းဆက်လိုက်ရင် ဘာတွေ ဆင်ခြင်ပေးမလဲ ။သူပေးလာမယ့်ဆင်ခြင်တွေကို ကျွန်တော် ယုံကြည်နိုင်ပါ့မလား။ ကျွန်တော် စိတ်တွေအားလုံးယောက် ယက်ခတ်နေသည် ။ အစက မဆုံဖြစ်ခဲ့ရင် အကောင်းသားဆိုတဲ့ နောက်ကြောင်းလှန်တဲ့ အတွေးတွေ ကလည်း တသီကြီးတွေးလို့ ။ ကျွန်တော် ကံကောင်းခဲ့သလား ကံဆိုးခဲ့သလားတော့ မပြောတတ်ပေ ။ ထိုညကအစပြုလို့ ကျွန်တော်ဘ၀ထဲကို သူမပြန်ရောက်မလာတော့ပါဘူး ။ ကျွန်တော် တမ်းတမိပါသလား ။ သေချာပါသည် ။ တစ်ခါတစ်ရံ တွင်သာ ရေးရေးလေး အမှတ်ရမိတတ်ပါသည် ။ သတိရခြင်းနှင့် အမှတ်ရခြင်းဆိုတဲ့စကားလုံးတွေ ရဲ့ အနှစ်သာရ လားလားမျှ မတူညီပါ။
ကျွန်တော်သူမကို သတိမရပါ။ အမှတ်ရဖြင်းသာ ရှိပါသည် ။ နိုင်ငံခြားရောက် တူတူနေခြင်းဆိုတဲ့ ပုံစံခွက်ထဲကို ကျွန်တော်လည်း ပါဝင်ခဲ့ဘူးတယ်လို့ ဆိုမယ်ဆိုရင်လည်း ရနိုင်ဧ။်ပေါ့ ။ သို့သော် အိမ်ထောင်သည်တွေလို တူတူ
နေထိုင်ခဲ့မိဘူးသည် ။ ကာမေသုမိစ္ဆာစာရ ကံကျူးလွန်ခဲ့ဘူးဆိုတဲ့ အချက်ကြီးကတော့ဘ၀မှာ အမဲစက်တစ်ခုလို နေရာယူခဲ့ပါပြီ။ ဒီအမှားကို ဘယ်အရာနဲ့ ဖျက်ရမလဲ ဆိုတဲ့မေးခွန်းရဲ့ အဖြေကို နေ့စဉ်ရှာဖွေနေသူ လူသားတစ်ဦးအဖြစ် သေသည့်တိုင်အောင် ဆက်လက်ရပ်တည် အဖြေရှာနေရအုံးမည်သာ ဖြစ်နေတော့သည် ။
ခိုင်လေး ( ရွှေတောင် )
ဒီဝထ္ထုတိုလေးကို ဖတ်ရှု့ပြီး မိတ်ဆွေစစ်နဲ့ မိတ်ဆွေတုကို ခွဲခြားနိုင်ပါစေ ။ ကာမေသုကံကို ရှောင်ရှားနိုင်ကြပြီး ဒီအမျိုးသား ၊ ဒီဇနီး ဒီမယား တွေနဲ့ ပျော်ရွင်ကြည်နူးဖွယ် မိသားစုတွေကို ပိုင်ဆိုင်နိုင်ကြပါစေ ။ သစ္စာတရားတွေ စိုးမိုးတဲ့ ကမ္ဘာမြေကြီး
ဖြစ်ပါစေ ............................။
လူဗိုလ်ဟူသည် မှ ကူးယူမျှဝေပါသည်..
------
သင့်မိတ်ဆွေများကိုလည်း ပြန်လည်မျှဝေပေးဖို့ မမေ့နဲ့နော်။
No comments:
Post a Comment