Friday, December 18, 2015
` ငါ့မျက်ရည်တွေ နင့်ရင်ကိုအေးစေ´
` ငါ့မျက်ရည်တွေ နင့်ရင်ကိုအေးစေ´
----------------------------------------------
နွေ မိုး ဆောင်း တဲ့လေ
ဒို့လက်တွေခိုင်မြဲခဲ့ဖူးတယ်
မိုးရေထဲမှာပျော်ခဲ့ဖူးတယ်
ခိုက်ခိုက်တုန်တဲ့အအေးဒဏ်တွေ
မီးပုံကြီးကြီးဖိုလို့
ငါးတွေလဲကင်စားခဲ့ဖူးတယ်
ပူပြင်းတဲ့နေရောင်အောက်မှာ
ပျော်ပျော်ပါးပါးလျှောက်လည်ဖူးတယ်
အရာရာကို
လက်ပိုက်ခေါင်းငုံ့လို့ နာခံပေးမယ်ချစ်သူ
ကျန်ခဲ့တဲ့နှလုံးသားမှာ
နေသာ ဖြေသာတယ်လို့တော့
နဲနဲမှမထင်လိုက်ပါနဲ့လေ
ဘယ်လောက်ဆိုးဆိုး
ထာဝရအချစ်ရဆုံး
ဘယ်လောက်လှည့်စားလှည့်စား
ထာဝရမေ့ မရဆုံး
အလွမ်းတွေအဖော်ပြုလို့
ထားခဲ့တဲ့နေရာလေးမှာ
ငြိမ်ငြိမ်သက်သက်နဲ့ နေခဲ့ပေးမယ်ချစ်သူ
တစ်ခုပဲစိုးရိမ်တယ်
နင်ရွေးချယ်သွားတဲ့ရင်ခွင်မှာ
အေးချမ်းစွာစံမြန်းပါလေ
အဲ့လိုမှမဟုက်ပဲ တစ်ခါတရံမှာ
ငါ့ကိုသတိရတဲ့စိတ်နဲ့
နင်နာကျင်သွားမှာကိုတော့
ငါသေမလောက်ကြောက်တယ် ချစ်သူရယ်
--------------
Lu Aye (စကု)
Subscribe to:
Post Comments (Atom)
No comments:
Post a Comment