အေးရဲ့တစ်ခါက...
အလွှာပါးပါးလေး
ခြားမသွားခင်တုန်းကပေါ့
မြို့ကြီးရဲ့လည်မျိုကိုဖက်
ကိုယ်တို့
နေ့ရက်တွေ ချိုဖူးတယ် အေးရေ...
ကိုယ့်လက်ကို ခိုဆုပ်
ဆူညံတဲ့စက်သံတွေအောက်မှာ
တဒုတ်ဒုတ်ခုန်ခဲ့တာ ဖျောက်မရ
အေးက
ကြောက်နေတတ်ခဲ့တယ်
လမ်းဖြတ်တိုင်းပေါ့
ဘဝတစ်ပါးဆိုတာ
ပျော်ပါးစရာ မဟုတ်ဘူး အေးရေ...
အဝေးက
ငေးမောကွဲကြေနေရ
အမှတ်တရတွေထဲမှာ
လွမ်းတတ်နေမှာလား အေး
ကိုယ်က ပြေးသူဖြစ်ခဲ့ပေမယ့်
မလိုက်ခဲ့ပါနဲ့ အေးရယ်
ရမ္မက်မဖြစ်ခဲ့ပေမယ့်
သွားတက်ကလေးကို ချစ်ရ
ပြင်းပြင်းရှရှ
ဆန္ဒတစ်ချို့ကို ကြိတ်မျိုလို့
အေးကို မပန်ရက်ခဲ့ပါဘူး အေး
သင်္ခါရဟာ
အစဉ်ထာဝရရဲ့ ဆန့်ကျင်ဘက်
နှုတ်ဆက်ဖို့ အချိန်မရခဲ့ဘူး အေးရယ်
အေး တစ်ယောက်
ဘယ်လိုလျှောက်မလဲလို့
ရင်ထဲလေးလံ ခံနိုင်ရည်မဲ့မတတ်
ဒါပေမယ့် အေးရေ
ပိုင်းဖြတ်ထားတဲ့ တမလွန်စည်းအစပ်ထက်
ကျော်ဖြတ်ခွင့် မရှိဘူး အေးရယ်
အလွှာပါးပါးလေး တခြားဖက်
ဘဝတွေက ခြားလျှက်
မျက်ရည်တွေ သုတ်လိုက်ပါ အေးရယ်
တွေးဖြစ်ရင်တောင်
အေးဟာ အေးအသစ်အဖြစ် ခံယူလို့
လူတို့ရဲ့ ဘဝလမ်းကို
ဖြတ်သန်းသွားပါ အေး
ဟိုး...အဝေးတစ်နေရာရာက
ချစ်တဲ့ အေးဘဝကို ငေးလို့
ဆုတောင်းပေးနေပါတယ် အေးရေ...
အေးရဲ့ တစ်ခါများဆီက
( မောင်မိုးအေး )
9 April 2014
No comments:
Post a Comment